Zainketen eta horiek gure bizi-ohiturekin eta kontsumoarekin duten lotura

2018ko irailaren 14an eta 15ean, Kristina Enea Ingurumen Baliabideen Etxean, #ConsumoCuidado jardunaldiak izan ziren. Publikoari irekiak ziren eta Saretuz kontsumo kontziente eta arduratsuaren Donostiako sareak antolatu zituen. Jardunaldien helburu nagusia izan zen zainketen eta horiek gure bizi-azturekin eta kontsumoarekin duten loturaren inguruan eztabaidatu eta gogoeta egitea. Hala, mahai-inguru bat antolatu zen eta ekimen zehatzak ezagutu ziren.

Guztiok badakigu zer eskatzen duen beste pertsona batzuk zaintzeak eta besteek geu zaintzeak ere. Egiten diren jardueren sorta zabal horrek helburu du gure familia- inguruneko pertsonek osasuna edo autonomia galtzearen ondoriozko beharrei erantzutea, funtsean, edota bizitzari eusteko oinarrizko bizi-zainketekin lotutako arazoei erantzutea. Pertsona horiek bizitzara etorri berriak edo bizitzaren amaiera aldean daudenak izan daitezke. Bada, sarritan eta historikoki, zainketa-jarduerak ezkutatu eta etxearen esparrura zokoratzen dira, eta, gainera, batez ere emakumeen esku uzten dira. Gure espeziearen ezaugarri nagusietako bat da elkarren mendeko izakiak garela. “Mendebaldeko” gure gizarteetan nagusitzen den kulturan, izaki emantzipatuak garela ikusarazi nahi da, naturaren ziklo eta erritmoetatik bazter bizi gaitezkeela gorputz independenteetan. Alabaina, eguneroko errealitateak erakusten digu gure esku-hartzeekin haserre dagoen planeta bat daukagula, eta pertsona bakoitza bere bizitza eta existentzia garatzeko mendekotasun-egoeran dagoela, batez ere bere bizi-zikloaren une batzuetan.

Saioetan, asmoa izan da begirada zertxobait gehiago zabaltzea eta zainketak bizi garen eredu sozioekonomikoan kokatzea, metaketan eta kontsumismoan oinarrituta dagoen eta gizarte-desberdinkeriak sorrarazten dituen eredu horretan, hain zuzen. Zainketak bizitzarako funtsezkoak badira, zergatik ez daude gizartean aintzatetsita eta baloratuta? Zer dago horren atzean eta zein ateratzen da irabazten?

Egindako bi saioetan, helburua izan da galdera horiei erantzutea. Horretarako, hainbat gizarte-esparrutan lan egiten eta ikertzen duten zenbait pertsonak parte hartu dute. Gizarte-esparru horien artean daude komunitate inklusiboak, ekonomia feminista, zaintzailearen zainketa, udalerri hezitzaileak edo “atari solidarioak” proiektua.
Apunte Koaderno honetan, beren esperientziak eta ezagupenak zabaltzeko prest agertu ziren adituen ekarpen nagusiak biltzen dira, baita zainketetarako proposatutako esparru orokorraren ikuspegitik lantzen ari diren zenbait proiektu eta lanen deskribapena ere.

AZKENAK

  • Consumo en tiempos de COVID-19
    Estamos viviendo momentos históricos, y ante situaciones que se nos ofrecen desconocidas las personas …

    Consumo en tiempos de COVID-19 Gehiago irakurri »

  • Guatemala sostenible
    En un contexto de cambio climático, de crisis ecológica y de cuidados y de fuerte …

    Guatemala sostenible Gehiago irakurri »

  • Elkarrizketa Euskadi Irratiko Baiapasa saioan.
    Ekainaren 2an, Lucia Peña, Saretuzeko dinamizatzailea Euskadi Irratiko Baipasa saioan izan zen elkarrizketatua. Hona hemen …

    Elkarrizketa Euskadi Irratiko Baiapasa saioan. Gehiago irakurri »

  • Zainketen eta horiek gure bizi-ohiturekin eta kontsumoarekin duten lotura
    2018ko irailaren 14an eta 15ean, Kristina Enea Ingurumen Baliabideen Etxean, #ConsumoCuidado jardunaldiak izan ziren. Publikoari …

    Zainketen eta horiek gure bizi-ohiturekin eta kontsumoarekin duten lotura Gehiago irakurri »

  • Buen vivir y felicidad
    Con el fin de profundizar en las propuestas para el buen vivir  en el ámbito …

    Buen vivir y felicidad Gehiago irakurri »